Tre pallate në Sukth të Durrësit janë dëmtuar nga lëkundjet e forta të tërmetit që goditi vendin më 26 nëntor. Raportohet se pallatet ndodhen në lagjen perimore në Sukth dhe 45 familjet që jetojnë në to deklarojnë se nuk u ka ardhur në ndihmë askush tre netët e kaluara.
Banorët i kanë kaluar jashtë netët ndërsa sot po boshatisin banesat duke hequr orenditë e pa dëmtuara, ndërkohë që ndihen të pashpresë se ku mund të strehohen në ditët në vijim.
