Kohët e fundit ka pasur zëra të shumta që flisnin për një largim të mundshëm të mbrojtësit sllovak të Interit, Milan Skriniar, drejt skuadrave spanjolle si Reali i Madridit dhe Barcelona, që nuk e kanë fshehur interesin për të.
Megjithatë vetë futbollisti, që po luan sezonin e tij të tretë te zikaltrit, ka mohuar mundësitë e një largimi, duke konfirmuar se ndihet mirë në Milano dhe se zërat përhapen nga ish menaxheri i tij për të krijuar konfuzion.
“Unë ndihem shumë mirë te Interi dhe dua të qëndroj gjatë këtu. Zërat për largim i përhap ish menaxheri im për të krijuar konfuzion, por nuk më shpërqendrojnë aspak, pasi jam i bindur në atë që dua”, deklaroi sllovaku.
