Një e re shqiptare ka tentuar të vrasë veten pasi mori vesh se të afërmit e saj ishin plagosur nga tërmeti i tre ditëve më parë që shënoi 6.4 ballë të shkallës Rihter,, e shkaktoi 50 viktima.
25 vjeçarja nga Ankona mësoi se disa nga të afërmit e saj ishin plagosur rëndë dhe tentoi që të hidhej nga ballkoni i shtëpisë rreth 10 metra i lartë. Për fatin e saj të mirë ishin oficerët e skuadrës “Flying” ata që ndërhynë me urgjencë dhe i shpëtuan jetën të resë.
Sipas mediave italiane në momentin kur ishte shpëtuar, 25-vjeçarja kishte vënë dy këmbët në pravazin e ballkonit dhe i kërkoi efektivëve që ta linin aty.
“Mjaft … më lini të qëndroj, unë do hidhem, dua të vdes,“-u thoshte efektivëve e reja.
Për fat të mirë oficerët arritën ta shpëtojnë atë duke e mbërthyer prej beli.
Më pas, u ndihmua nga stafi mjekësor i Kryqit të Verdhë dhe u dërgua në spital për trajtim.
