Situata e shkaktuar në Shqipëri nga tërmetet ka bërë që shumë vende të solidarizohen dhe kanë ofruar mbështetjen e tyre për vendin tonë.
Kupola e San Gaudenzio, simboli i qytetit të Novarës në Itali është ndriçuar me ngjyrat e flamurit shqiptar.
Në shenjë solidariteti ndaj popullit shqiptar në këto momente të vështira, për 3 ditë resht ngjyrat e flamurit do të ndriçojnë monumentin kryesor të këtij qyteti.
Mediat italiane bëjnë me dije se kryebashkiaku i qytetit, Alessandro Canelli është shprehur se kjo është një shenjë solidariteti për tragjedinë natyrore që ka prekur Shqipërinë.
Ndërkohë në Piazza Duomo në Milano, emigrantët shqiptarë bënë homazhe për viktimat e tërmetit me qirinj e flamuj shqiptarë.
