Rektori i Universitetit të Tiranës, Mynyr Koni thotë se ka vendosur që procesi mësimor në fakultetet e këtij universiteti të mos vijojë deri më datë 6 dhjetor, deri në qartësimin e situatës.
“Në vijim të Urdhrit nr. 21, datë 26.11.2019, duke ndjekur me shumë shqetësim dhe me shumë vëmendje situatën aktuale, tepër të rënduar edhe nga ana psikologjike, deri në qetësimin e saj dhe garantimin e sigurisë teknike të ambienteve në të cilat zhvillohet procesi mësimor dhe më gjerë, në cilësinë e Rektorit të Universitetit të Tiranës, urdhëroj pezullimin e procesit mësimor deri në datën 6 Dhjetor 2019”, shkruan Koni.
