Nga Ylli Manjani
Ata 9 inxhinierë dhe 2 arkitektë të Institutit të Ndërtimeve dhe të shërbimit të Zjarrfikësve që bënë raportin që “…godina e Teatrit nuk mban asnjë tërmet..”, a kanë ende fytyrë?!
Në fund të fundit, mbi atë raport vendosën që ta shëmbin atë godinë!!! Rama dhe Veliaj me atë raport justifikuan propagandën dhe veprimet ekzekutive.
Nuk i gjykoj profesionalisht, se nuk kam aftësinë ta bëj, por turp a thua u vjen ndopak?! Në çdo vend normal, komisionet e etikës profesionale u heqin liçensat këtyre “profesionistëve parashikues”.
Meqë ra fjala, ja ku i kanë parashikuesit e rremë që trembën njerëzit se do shembet godina. Ti arrestojnë sipas ligjeve të tyre! Mos lodhen kot me mbyllje portalesh. I kanë në letra zyrtare “parashikuesit fake”.
Asnjë krisje të vetme nuk pësoi godina! E fortë sa më ska. Provë e pakontestueshme se parashikimet e bëra ishin FAKE.
Ajo godinë ka rrëzuar shumë qeveri…
