Nemanja Matiç qëndroi vetëm 24 minuta në stërvitjen që Man. United zhvilloi përpara ndeshjes ndaj Astanas që u luajt ditën e djeshme, ndërsa më vonë nuk ka marrë pjesë as në darkën e skuadrës.
Sipas mediave angleze mesfushori është pranë largimit nga “djajtë e kuq”, pasi marrëdhëniet me trajnerin aktual Ole Gunnar Solskjaer janë inekzistente.
“Daily Mail” raporton që serbi, pritet që në janar t’i bashkohet Antonio Contes te Interi, pasi Manchester United do të pranonte ta linte të lirë, që në dimër, për të kursyer pagën e gjysmës së vitit të Matiç, kontrata e të cilit skadon në qershor të 2020-ës.
