Zlatan Ibrahimovich është pranë rikthimit te klubi i Milanit, pasi përfaqësuesit e të dy palëve janë afër arritjes së një marrëveshjeje.
Sipas “Mediaset”, Ibrahimovich, është objektivi i vetëm për sa i përket sulmit në merkaton e janarit për kuqezinjtë, pasi drejtuesit e skuadrës dëshirojnë të rrisin eksperiencën në klub.
Kërkesa e Ibrahimovic për Milanin deri në qershor është një pagë 3 milionë eurosh , ndërkohë që klubi italian deri tani nuk ofron më shumë se 2 milionë. Në marrëveshjen mes palëve duhet të ekzistojë edhe opsioni i rinovimit për një tjetër vit ose një kontratë e menjëhershme prej 18 muajsh.
Ibrahimovich dëshiron që marrëveshja të mbyllet para 15 dhjetorit pasi dëshiron të bashkohet me skuadrën e tij të re në stërvitje për të qenë në formën optimale për rifillimin e kampionatit në 5 janar.
