Tre ditë pas tërmetit, ku mbetën të pajetë të paktën 46 persona, qyteti i Durrësit është braktisur nga banorët e tij.
Lëkundjet e vazhdueshme pas tërmetit të së martës, që kishte një magnitudë 6.4 në shkallën Rihter, kanë tmerruar qytetin me 200,000 njerëz dhe e kthyen atë në një qytet fantazmë.
Ndërtesat e apartamenteve afër bregdetit ishin të zbrazëta të Premten, me disa mure të shkatërruara dhe shtylla që ishin jashtë.
“Gjysma e qytetit tashmë është evakuuar”, tha kreu i Partisë Demokratike, Lulzim Basha për Al Jazeera teksa udhëtonte në Durrës. “Njerëzit janë terrorizuar … Qindra janë shtruar në spital dhe qindra familje kanë humbur shtëpitë e tyre.”
Qeveria ka ekipe inxhinierësh që inspektojnë ndërtesat për siguri, por procesi mund të zgjasë me javë.
Si dhjetëra mijëra njerëz, rrobaqepësja Vera Kushta tani kalon mbrëmjen duke ecur dhe duke fjetur në makinën e saj, duke shmangur shtëpinë edhe pse është e paprekur. Ajo thotë se fqinjët e saj kryesisht janë larguar.
Durrësi ishte veçanërisht i goditur sepse ishte shumë afër epiqendrës së tërmetit.
Shembjet e ndërtesave shumëkatëshe ndodhën në Durrës dhe Thumanë.
Por edhe në kryeqytetin Tiranë, 36 kilometra larg, ku nuk pati viktima apo dëme, shumë kishin frikë ta kalonin natën në shtëpi.
Është e qartë se disa nga këto ndërtime ishin plotësisht jashtë standardeve të sigurisë.
Ndërsa plot vullnetarë nga Kosova fqinje dhe Maqedonia e Veriut mbërritën në shkollën e mesme Leonik Tomeo në Durrës, njerëzit menduan se autobusët kishin ardhur për t’i evakuuar ato.
Policia mbylli shkollën për të parandaluar qindra banorë në panik që të arrinin në bord.
Stadiumi i futbollit në qytet, u kthye në një strehë të përkohshme. Qeveria kishte vendosur 1.000 njerëz në dhomat e hoteleve dhe 800 të tjerë në strehimore të improvizuara në shkolla, por shumë ishin larguar.
Paniku zëvendësoi shpresën për të gjetur të mbijetuar të Mërkurën, kur ekipet e shpëtimit nxorën vetëm kufomat nga rrënojat.
Momenti më tragjik i katastrofës natyrore ishte ai kur Berti Lala, vëzhgoi grupet e kërkimit duke nxjerrë nga rrënojat pajetë gruan e tij të vdekur, nënën dhe katër fëmijët.
“Është e qartë se disa nga këto ndërtime ishin plotësisht jashtë standardeve të sigurisë”, tha Presidenti Ilir Meta për Al Jazeera, i cili shtoi se duhet të bëhej një hetim.
Shumica e dëmeve në Durrës ishte aty ku mund të pritej më së paku – në Rrugën Pavaresia, të veshur me hotele relativisht të reja, me shkëlqim dhe ndërtesa apartamentesh.
Disa dukej se kishin baza joadekuate.
“Gjysma e ndërtimeve në Shqipëri është e re, 15, 20, maksimumi 25 vjet,” tha Basha. “Unë e di se shumë janë kritikuar për cilësinë e dobët të ndërtimeve … Shumë inspektime duhet të bëhen, edhe në nivelin ligjor.”
