Ekspertët kanë vlerësuar se 28 pallate në Bashkinë e Kurbinit kanë pësuar dëmtime serioze, ndërsa 8 prej tyre janë bllokuar me shirit nga Bashkia.
Disa prej banorëve vijojnë qëndrojnë brenda, duke sfiduar frikën e të tjerë kanë nisur të marrin orenditë për t’u shpërngulur nga aty.
Në Kurbin janë ngritur 6 qendra akomodimi me 35 çadra dhe janë strehuar 500 qytetarë.
Ata kërkojnë ndihmë, pasi në çadra mungojnë krevatet dhe është shumë ftohte. Bashkia e Kurbinit u bën thirrje qytetarëve që të mos qëndrojnë në pallatet e bllokuara, pasi përbën rrezik për jeten e tyre.
Nga tërmeti në Kurbin janë dëmtuar dhe shumë banesa private si dhe objektet shtetërore.
Gjithashtu qyteti i Laçit prej 4 ditesh është pa ujë të pijshëm, pasi termeti ka nxjerr jashtë funksioni ujësjellesin në afërsi të depos.
