Kosovarët po vazhdojnë t’u qëndrojnë afër vëllezërve e motrave shqiptare, pas tragjedisë së djeshme.
Një vepër humane dhe mjaftë domethënëse, ka vendosur ta bëj si shenjë falenderimi edhe vajza e ish-ushtarit të UÇK-së, Erita Sadikaj.
Batanijen që babai i saj e ka përdorur gjatë luftës kur ka qenë në Shqipëri, të cilën ia kanë dhuruar shqiptarët gjatë viteve 1998 – 1999, Erita ka shprehur dëshirë ta dhurojë për ndonjë të pastreh që po e kalon natën nën qiell të hapur, shkruan Indeksonline.
Nuk është Erita e vetmja që po bën një gjest kaq human, shumë të rinj në çdo qytet të Kosovës, nuk po rrinë duarkryq.
Madje, edhe një shitës i krem bananeve në Prishtinë, dje dhuroi fitimet e tij të ditës prej 5 eurove për shqiptarët.
Vepra si këto, na bëjnë të ndihemi krenar dhe më të bashkuar se kurrë më parë.
