Tërmeti i frikshëm në vendin tonë i orës 03:54 i të martës me magnitudë 6.4 të shkallës Rihter la si pasojë viktima, qindra të plagosur dhe dëme të shumta materiale.
Lidhur me këtë fatkeqësi natyrore ka reaguar dhe Papa Francesku i cili lutet për viktimat. Në emër të Papa Françeskut, Sekretari Kardinal i Shtetit, Pietro Parolin, dërgoi një telegram ngushëllimi për viktimat e tërmetit të së martës në Shqipëri.
Në një telegram drejtuar presidentit Ilir Meta, Sekretari i Shtetit i Vatikanit, Kardinal Pietro Parolin thotë se ‘Ati i Shenjtë po lutet për shpirtrat e atyre që vdiqën në katastrofë’.
“Të lutemi për ata që janë prekur nga kjo fatkeqësi. Lutemi edhe për personelin e urgjencës që po ndihmojnë. Unë jam afër viktimave, lutem për familjet, Zoti e bekoftë këtë popull për të cilin unë e dua aq shumë. ”, thuhet në telegram.
