Në mbledhjen e qeverisë, ku shpalli gjendjen e jashtëzakonshme për një periudhë 30 ditore në Tiranë dhe Durrës, Kryeministri Edi Rama gjeti kohën të bëjë komente edhe për ata që i cilësoi si “gamgamistët”.
Rama tha se në këtë vend bëhen shumë gam game dhe duket sikur këto ndjellin të keqen.
“Nuk dua të them se jam supersticioz, por këto ka shumë gam-game, ka shumë gamgamistë që bëjnë gam gam dhe ndjellin të keqen në këtë vend.
Madje edhe njerëzit e thjeshtë në këtë vend i përdorin për gamgamet e tyre”, tha Rama.
Kryeministri u shpreh se nuk duhen bërë pjesë e gam-gameve, por kjo nuk do të thotë që nuk do të përfshihemi në debat atëherë kur duhet.
