Të paktën 20 të vdekur dhe mbi 600 të lënduar raportohen zyrtarisht si pasojë e tërmetit me magnitudë 6.4 që goditi vendin e sotëm, ndërsa kryeministri vijon të mos e shpallë gjendjen e jashtëzakonshme.
Në një postim në rrjetet sociale, Rama shprehet se qeveria është e gatmshme të nënshkruajë një marrëveshje me hotelet në vend për akomodimin e personave banesat e të cilëve janë shkatërruar nga tërmetet.
“Dimri nuk kalohet dot as nën qiell të hapur e as në tenda, prandaj qeveria do të nënshkruajë një marrëveshje me strukturat hoteliere të Durrësit, Kavajës dhe edhe Vlorës po të jetë nevoja, që të gjitha familjet e mbetura pa çati, të strehohen në kushte optimale, të shërbehen në kushte optimale, t’i kalojnë edhe festat e fundvitit në kushte optimale bashkë me fëmijët e tyre, ndërsa këta të fundit jo vetëm të mos jenë të detyruar të braktisin shkollën asnjë ditë, po edhe të mësojnë në kushte optimale”, shkruan Rama në një postim në rrjetet sociale.
Nga opozita ndërkohë dhe zëra të njohur të opinionit publik kanë kërkuar shpallja e gjendjes së emergjencës nga qeveria.
