Igli Tare është një tjetër emër i njohur që ka reaguar pas tërmetit tragjik që goditi Shqipërinë.
Drejtori sportiv i Lacios, u shpreh i tronditur nga ngjarja dhe premtoi të bëjë të pamundurën për të ndihmuar popullin shqiptar.
“Është një tragjedi që më ka tronditur mua dhe familjen time. Një tragjedi e madhe. Duket se numri i viktimave do të rritet, por unë me gjithë zemër shpresoj që të ndodhë e kundërta. Do të bëj të pamundurën për të ndihmuar popullin tim. Do të bëj çfarë duhet për të dhënë një dorë”, – ka thënë ish-lojtari i kombëtares së Shqipërisë”.
