Mbikalimi i Shkozetit u dëmtua si pasojë e tërmeteve të fuqishme që kanë goditur vendin që prej mëngjesit të sotëm. Në media qarkulluan fotot të dëmeve, ndërsa Autoriteti Rrugor Shqiptar njoftoi se grupi i punës në terren konstatoi se ka disa dëmtime në mbikalim, si ai i elementeve antisizmik.
Por, dëmtime të mbi strukturës nuk ka, informon ARSSH ndërsa nuk raporton se ka rrezik kalimi në këtë mbikalim.
Autoriteti Rrugor Shqiptar bën me dije se në të gjitha akset kryesore të vendit qarkullimi kryhet pa problem.
Njoftimi
“Marrë shkak nga tërmetet e ndodhura ditën e sotme më datë 26.11.2019, Autoriteti Rrugor Shqiptar, së bashku me kontraktorët dhe punonjësit e mirëmbajtjes, dolën menjëherë në terren.
Në të gjitha akset kryesore të vendit qarkullimi kryhet pa problem.
Drejtoria e Rajonit verior
Nga inspektimi vizual ne terren rezultoi se ne urat e Rajonit verior nuk ka probleme. Po vazhdon inspektimi me i hollësishëm për situatën.
Drejtoria e rajonit Qendror
Raporton se pas inspektimit vizual, nuk ka probleme në veprat e artit pas tërmetit. Do grupi i mirëmbajtjes është në terren dhe do të vazhdojë inspektimi më i hollësishëm.
U raportua për një problem tek Mbikalimi i Shkozetit.
Grupi i punës i ngritur nga ARRSH, që u gjend menjëherë pas raportimit në terren, konstatoi se ka disa dëmtime në mbikalim, si ai i elementeve antisizmik.
Dëmtime të mbi strukturës nuk ka. Inspektimi po vijon.
Janë marrë masat për devijimin e trafikut.
Drejtoria e Rajonit Jugor
Informohemi se ne jug lëkundjet janë ndier në Fier më shumë, por pa probleme.
Vazhdon inspektimi i hollësishëm ne terren.
Të gjithë kontraktorët, inspektorët e drejtorive rajonale dhe mbikëqyrësit janë në terren për verifikimin e situatës”, njofton ARSSH.
