Drejtori i Spitalit të Traumës, Arben Zeneli, u shpreh se 3 persona ndodhen në gjendje të rëndë, si pasojë e tërmetit 6.4 të Shkallës Rihter që goditi vendin.
Zyrtarisht numri i personave që kanë humbur jetën ka arritur në 7, ndërsa ka ende persona që ndodhen në rrënoja.
“Ka pasur 180 pacientë që kanë mbërritur në spitalin e Traumës, dua të falenderoj qytetarët, duam që të na ndihmojnë pasi çdokush do të marri ndihmën e duhur mjekësore, në të gjithë spitalet e vendit.
Duhet qetësi në mënyrë që ne të menaxhojmë situatën.
1 pacientë është operuar, ndërsa dy të tjerë paraqiten më rëndë, nuk mund të themi dot që e kanë kaluar rrezikun për jetën.
Kanë mbërritur pacientë nga Thumana dhe nga Durrësi, por nuk mund të japim më shumë detaje”, tha Zeneli, lidhur me gjendjen në Spitalin e Traumës.
