Kryeministri Edi Rama gjatë fjalimit në aktivitetin e Partisë Socialiste nuk la pa përmendur as presidentin e Republikës Ilir Meta, me të cilin ka nisur një konflikt të ashpër së fundmi në lidhje me Gjykatën Kushtetuese.
Rama tha se ajo çfarë po bën kreu i shtetit me diplomatët e huaj është e turpshme për të gjithë ne dhe per paraardhësit tanë por dhe në kundërshtim me konventën e Vienës.
“Është trupi ynë në Presidencë. Ajo që bën presidenti ndaj dipolomatëve të huaj në Shqipëri është jo vetëm e turpshme për të gjithë ne është jo vetëm në kundërshtim me konventën e Vienës por është e turpshme dhe për të gjithë paraardhesit tanë qe kur është shkruar kanuni: Shpia e shqiptarët është e Zotit dhe e mikut. Turp! Turp! Turp!
Sidoqoftë ne jemi të qartë në këtë proces dhe nga dita e parë deri ne ditën e fundit ne do të jemi një me ShBA, jo se na e kërkojnë ata po sepse ne e bëjmë për shtetbërjen këtu.” – u shpreh Rama.
Presidenti Ilir Meta ka hedhur akuza së fundmi ndaj ambasadave në Shqipëri në lidhje me reformën në Drejtës, madje ambasadorin e OSBE-së Bernd Borchardt e shpalli “nongrata” pas veprimit të tij të turpshëm ndaj banorëve të Astirit të cilit ju ngriti gishtin e mesit.
