Presidenti Ilir Meta tha se nga e hëna do të vinte me një plan konkret për referendumin, ndërkohë ditën e sotme ai do të zhvillojë një takim me Këshillin e Ambasadorëve shqiptarë.
Takimi është parashikuar që të mbahet në orën 17:00, dhe mësohet se Kreu i Shtetit do të informojë Këshillin e Ambasadorëve mbi zhvillimet e fundit dhe nismat e tij.
Ditën e djeshme, zëdhënësi i Presidentit, Tedi Blushi njofton se, Ilir Meta do të organizojë një tubim mbarëpopullor në Sheshin “Demokracia” në Qytetin Studenti.
Ky tubim do të zhvillohet në 8 Dhjetor pikërisht në “Ditën e Rinisë’ ndërsa thekson se do të zhvillohet pikërisht aty ku dhe nisi Lëvizja Studentore e viteve ’90.
