Pas golit sfida u bë më e ekuilibruar me Laçin që tentoi të merrte diçka nga ky takim. Pavarësisht përpjekjeve, kurbinasit nuk arritën të krijonin shumë, ku vlen për t’u përmendur që i vetmi rast flagrant ishte ai i Redon Xhixhës në fundin e pjesës së parë, me laçjanin që u ndal nga reagimi fantastik i Alban Hoxhës.
Të besuarit e Franco Lerdës administruan deri në fund mjaft mirë dhe gjithçka u mbyll me shifrat 1-0. Tashmë, Partizani shkëputet në krye të renditjes me plot katër pikë diferencë nga ndjekësi më i afërt, që është Kukësi. Nga ana tjetër, Laçi mbetet në vendin e pestë me 19 pikë.
