Dy të mitur, 15-vjeçarë, janë dërguar në spitalin e Elbasanit për ndihmë mjekësore, gjatë orëve të natës.
Sipas policisë, adoleshentët kishin konsumuar pije alkoolike, gjatë një feste, në një lokal të qytetit, ndaj të cilit Inspektoriati Shëndetësor ka vendosur edhe gjobë.
“Mbrëmjen e djeshme, në Spitalin e Elbasanit, kanë shkuar për ndihmë mjekësore, dy të mitur të moshës 15 vjeç, banues në Elbasan. Dy 15 vjeçarët ishin në gjendje të dehur pasi në ambientet e një lokali në Qytetin e Elbasanit, gjatë një feste ditëlindjeje kishin konsumuar pije alkoolike.
Në zbatim të ligjit ” Për mbrojtjen e të miturve nga përdorimi i pijeve alkoolike dhe energjike”, Inspektorati i Shtetëror Shëndetësor Elbasan, në bashkëpunim me Komisariatin e Policisë Elbasan i ka vendosur masë administrative këtij subjekti tregtar.
Materialet hetimore i kaluan Prokurorisë pranë Gjykatës së Shkallës Parë Elbasan, për vlerësim”, thuhet në njoftimin e policisë.
