Real Madrid fitoi mbrëmjen e djeshme ndaj Real Sociedad 3-1, duke kthyer qetësinë në kampin madrilen.
Por një episod jo i dëshiruar, ndodhi në momentin kur Bale u fut në fushën e lojës si zëvendësues në minutën e 65-të.
Anësori Uellsian u fishkëllye nga i gjithë stadiumi, në kundërpërgjigje të gjestit të tij disa ditë më parë në festimin e kualifikimit të Uellsit në Euro 2020, teksa Bale linte të kuptohej që Reali i Madridit nuk është në prioritetin e tij.
Duke parë këtë situatë, mediat spanjolle raportojnë se largimi i tij në merkaton e janarit është i sigurt, por pa një destinacion të qartë.
