Një 36-vjeçar u arrestua nga policia në malin e Troshanit (Lezhë) pas disa orë ndjekjeje, ndërsa më parë kishte kanosur me armë zjarri vëllain e tij për shkak të konflikteve të pronësisë.
Policia njoftoi arrestimin e shtetasit E.P, i cili kanosi me kallashnikov në oborrin e shtëpisë vëllain e tij, shtetasin K.P 30 vjeç. Madje autori, ka qëlluar në ajër me armë, ndërsa kur ka parë policinë ka hedhur armën dhe është larguar.
Burimet zyrtare bëjnë të ditur se autori është ndjekur për disa orë nga uniformat e policisë, ndërsa u arrestua në malin e Troshanit.
“Specialistët e Seksionit për Hetimin e Krimeve në Komisariatin e Policisë Lezhë, bënë arrestimin në flagrancë të shtetasit: E.P., 36 vjeç ,banues në fshatin Troshan, Lezhë.
Ky shtetas, në oborrin e banesës, për motive pronësie, ka kanosur me armë zjarri vellain e tij, shtetasin K.P.,30 vjeç, duke qëlluar në ajër disa herë.
Policia e Lezhës mënjëherë pas marrjes së njoftimit se në fshatin Troshan, Lezhë, ka konflikt në familje dhe të shtëna me armë zjarri, ka shkuar në vendgjarje”, thuhet në njoftimin zyrtar.
Policia sekuestroi armën e zjarrit tip kallashnikov, dy krehëra me fishekë, si dhe 354 fishekë luftarakë, me cilësinë e provës materiale.
Njoftimi i policisë
Policia parandalon pëshkallëzimin e mëtejshem të një konflikti në familje
Falë reagimit në kohë e me profesionalizëm, dhe pas disa orë ndjekjeje u kap në malin e Troshanit personi që kanosi vellain me armë zjarri.
Sekuestrohen 1 armë zjarri kallashnikov me 2 krehëra dhe 354 fishekë luftarakë
Specialistët e Seksionit për Hetimin e Krimeve në Komisariatin e Policisë Lezhë, bënë arrestimin në flagrancë të shtetasit:
E.P., 36 vjeç ,banues në fshatin Troshan, Lezhë.
Ky shtetas, në oborrin e banesës, për motive pronësie, ka kanosur me armë zjarri vellain e tij, shtetasin K.P.,30 vjeç, duke qëlluar në ajër disa herë.
Policia e Lezhës mënjëherë pas marrjes së njoftimit se në fshatin Troshan, Lezhë, ka konflikt në familje dhe të shtëna me armë zjarri, ka shkuar në vendgjarje.
Në momentin që ka parë Policinë 36 vjecari ka hedhur armën dhe është larguar me shpejtësi nga banesa.
Shërbimet e Policisë janë vënë në ndjekje dhe pas disa orësh ndjekjeje, kanë mundur të bejnë lokalizimin dhe kapjen e shtetasit E.P. në malin e Troshanit, Lezhë.
Në cilësinë e provës materiale u sekuestrua dhe arma e zjarrit automatik dhe 354 fishekë.
Materialet procedurale i kaluan Prokurorisë së Rrethit Gjyqësor Lezhë, për veprime të mëtejshme për veprat penale “Kanosja” dhe “Armëmbajtje pa leje”.
