Javët e fundit nuk flitet për asgjë tjetër, përpos ardhjes së Ibrahimoviçit te Milani. Pikërisht për këtë temë të nxehtë ka folur këtë të premte edhe ish-drejtuesi i lartë i Milan, Adriano Galliani, aktualisht administrator i deleguar te Monza.
“Jam tifoz i Milan, ndaj për mua do të ishte romantike nëse Ibra do të kthehej. Gjithsesi, edhe në ekipe të tjera, ai do të pasuronte kampionatin Italian të futbollit, sikurse bëri Cristiano Ronaldo duke u transferuar te Juventus”, deklaroi Galliani për “Rai Sport”.
