Java nis me reshje shiu në të gjithë vendin, ndaj para se të dilni mos harroni të merrni çadrat me vete. Sipas asaj që parashikon IGJEUM, edhe temperaturat pritet të pësojnë ulje, teksa në vendet e ulta ato maksimale do të jenë vetëm 15 °C.
Megjithatë, kjo situatë është kalimtare pasi vonë në mbrëmje dhe gjatë së martës, Shqipëria i rikthehet motit të kthjellët.
Ja parashikimi për nesër, sipas Institutit të Gjeoshkencave, Energjisë, Ujit dhe Mjedisit – IGJEUM
RESHJET
Nesër (e hënë, dt.25) priten reshje të dobëta deri mesatare në të gjithë vendin (siç tregohet në tabelë, respektivisht për secilin qark).
TEMPERATURAT
Nesër (e hënë, dt.25) temperaturat minimale dhe maksimale të ajrit pritet të arrijnë:
në bregdet: 14 / 18 °C
në vendet e ulëta: 13 / 15 °C
në vendet malore: 7 / 8 °C
ERA
Nesër (e hënë, dt.25) e lehtë deri mesatare.
