Vendosën gjoba fiktive ndaj një subjekti në Elbasan, në kuadër të aksionit kundër informalitetit, vihen në pranga kryeinspektori dhe dy inspektor pranë ISHSH dega Elbasan. Arrestimi i tyre u bë nga specialistët e Krimit Ekonomik.
Njoftimi i plotë
Vijon puna për parandalimin, evidentimin dhe goditjen e paligjshmërisë.
Specialistët për Hetimin e Krimit Ekonomik e Financiar në Drejtorinë Vendore të Policisë Elbasan proceduan në gjendje të lirë shtetasit:
• H.M., 45 vjeç, banues në Tiranë, me detyrë ( kryeinspektor), pranë ISHSH , dega Elbasan.
• E.M., 31 vjeçe, banuese në Elbasan, me detyrë ( Inspektore), pranë ISHSH, dega Elbasan.
• A.M., 46 vjeç, banues në Elbasan, me detyrë (Inspektor), pranë ISHSH dega Elbasan.
Procedim ndaj këtyre shtetasve filloi pasi, më datë 11.11.2019, në kuadër të kontrollit anti-duhan, dyshohen se kanë vendosur gjobë fiktive, ndaj një subjekti.
Po nga Specialistët për Hetimin e Krimit Ekonomik e Financiar u procedua penalisht shtetasi: G.P., 42 vjeç, banues në Elbasan, pasi në ambientet e lokalit që e kishte në përdorim ushtronte aktivitetin të kundërligjshëm të lojërave të fatit. Në cilësinë e provës materiale u sekuestrua një aparat celular, i cili dyshohet me atë tij zhvillohej aktiviteti i kundërligjshëm i lojërave të fatit.
—
Nga Specialistët për Hetimin e Trafiqeve të Paligjshme dhe Narkotikëve në DVP Elbasan u arrestua në flagrancë shtetasi: H.K., 32 vjeç, banues në Elbasan, pasi gjatë kontrollit fizik të ushtruar nga shërbimet e Policisë, iu gjet dhe sekuestrua në cilësinë e provës materiale një sasi e vogël lëndë narkotike e dyshuar të llojit heroinë.
Materialet hetimore i kaluan Prokurorisë pranë Gjykatës së Shkallës Parë Elbasan, për veprime të mëtejshme.
