Mbrojtësi shqiptar, Mërgim Mavraj, i cili luan për Grojter Fyrthin, në një intervistë për “nordbayern.de”, ka folur për ndeshjen derbi që ekipi i tij do të luajë ndaj Nurenbergut këtë fundjavë, por që ka rikujtuar edhe sfidën mes Shqipërisë dhe Serbisë në vitin 2014.
“Jam mësuar me beteja. Luajmë në shtëpi dhe është një përparësi e madhe për ne, pasi kemi dhe tifozët. Ndeshja e 2014-ës mes Shqipërisë dhe Serbisë, ishte më shumë se një derbi apo luftë. Na larguan nga stadiumi me helikopter”, shprehet Mavraj.
Më tej ai ka shtuar: “Ky është një nga derbit më të vogla që po luaj. Derbi është 90 minuta krenari, për klubin dhe qytetin”.
