Një intervistë e kampionit kombëtar të boksit Klevis Çelaj, nga Vlora është bërë kryefjala ditët e fundit në vendin tonë.
Klevis Çelaj arriti të marrë çmimin kampion kombëtar për peshat 50 kg, dhe mori vetëm 14 mijë lekë( të reja) , të cilat siç u shpreh, në fund nuk i dolën as për të blerë një palë doreza boksi. Madje ai nuk mbajti dot as lotët kur tregonte se: “të shikosh motrën e vogël, të kesh një pjatë gjellë dhe të shikosh 5 veta në shtëpi , s’di kujt t’ja japësh më përpara atë pjatë.”
Kundrejt situatës së tij ka reaguar dhe aktori i njohur Rezart Veleshnja me një status në rrjetin social Instagram.
Veleshnja kritikon ashpër qeverinë ku shkruan se kemi bërë investime 120 milion euro për rrugët por kemi aksidente përsëri, i dhamë 100 mijë euro Notre Dam de Paris se u dogj nuk na hapen negocjatat, kemi investuar ne stadiume por ndeshje sfitojmë ndërsa kampionet e sporteve tona do i lëmë të vdesin për bukë.
Postimi i plotë :
‘Kemi bërë investime rreth 120 milion euro për rrugët por kemi aksidente përsëri, i dhame 100 mijë euro Notre Dam de Paris se u dogj sna hapen as negocjatat, kemi investuar në stadiume por ndeshje sfitojmë skemi lënë ministër pa e bërë me saraje që të jetojnë si pashallarë por kampjonet e sporteve tona do i lëmë të vdesin për bukë, sepse ju s’doni ta kuptoni por ne jemi komunizmi i modernizuar të dashur njerëz! Më vjen keq ku jetoj! Shpresoj ti jepni një zgjidhje këtyre njërzve që janë të ndershëm na bëjnë krenar edhe nuk merren me lëndë narkotike apo me krime te ndryshme! Flm’.
