Barcelona po përgatitet për të gjetur zëvendësuesin në një të ardhme jo shumë të largët të Luis Suarez. Uruguajani është një makineri golash por pak nga pak rendimenti i tij ka rënë. Blaugranasve u duhet një garanci më shumë në repartin ofensiv.
Lautaro Martinez është një ndër opsionet, por po ashtu po qarkullojnë zërat edhe për një afrim të mundshëm të Aubameyang. Sulmuesi i Arsenal bie në sy për shpejtësinë e tij dhe aftësinë golashënuese. Aubameyang është 30 vjeç dhe nuk ka shumë diferencë me moshën e Luis Suarez dhe duket si një operacion që do të zgjasë pak derisa të gjendet një sulmues më i ri në moshë për të patur një të ardhme më të sigurt. Ndoshta mosha e tij është një ndër arsyet që nuk figuron si opsion i parë në listën e katalanasve.
Këtë sezon tek Arsenal Aubameyang ka shënuar 9 gola në 14 ndeshje një shifër pozitive duke patur parasysh momentin e përgjithshëm që po kalojën Topçinjtë. Kontrata e sulmuesit 30 vjeçar përfundon në 2021 dhe nëse nuk do të arrihet akordi për rinovim siç kanë qarkulluar zërat në Francë, ky do të ishte një plus më shumë për Barcelonën për të tentuar afrimin e tij.
