Albin Kurti, lideri i Vetëvendosjes dhe kandidat për Kryeministër, u shpreh pro zhvillimit të marshimit që do të mbahet në Tiranë më 28 Nëntor.
Kurti nga në emisionin Open se ne jemi thelbësisht demokratikë dhe nuk kontrollojmë as udhëzojmë degët tona, përfshi edhe atë në Tiranë.
“Nëse duam bashkimin, nuk duhet të na pengojnë këto gjëra. Kritika është kushti i zhvillimit. Çfarë kërkohet përmes këtij marshimi? Respektimi i 70 marrëveshjeve që janë nënshkruar mes Shqipërisë dhe Kosovës dhe kanë mbetur në sirtarë”, tha Kurti.
Ai tha se nuk ka menduar për të qenë pjesë e marshimit që do të mbahet në Tiranë.
Në vijim ai shtoi se situata në Shqipëri nuk është pasojë vetëm e kësaj qeverie, e këtij Kryeministri, por përderisa Shqipërinë e kemi vetëm 28 mijë metra katror, ne nuk mund të kemi vetëm festë.
Lidhur me deklaratat e Kryebashkiakut të Tiranës, Erjon Veliaj, që sulmoi Vetëvendosjen pas reagimit të kësaj Lëvizjeje kundër dhunës dhe terrorit në Astir, Kurti theksoi beteja politike ekziston, kritika është e domosodoshme, dhe unë s’mund të bëj as avokatin dhe as kritikun ndaj përfaqësuesve të Vetëvendosjes në Tiranë.
