Një incident i rëndë u raportua se kishte ndodhur sot në mjediset e Fakultetit Ekonomik në Tiranë, ku një student, drejtues i Lëvizjes Studentore të 1 viti më parë ishte dhunuar.
Lidhur me incidentin u akuzuan anëtarë të Lëvizjes për Universitetin, e cila duket se po trajtohet si një organizatë e lidhur me Erjon Veliajn, dhe nuk pranohet nga studentët që të drejtojë protestën e 4 dhjetorit.
Ndërkohë Lëvizja për Universitetin në reagimin e saj akuzon studentët se janë provokatorë.
Në anën tjetër, ish-Kryeministri Sali Berisha ka publikuar pamjet nga incidentet e ndodhura në mjediset Universitare, ku shfaqen edhe punonjës policie.
“Banditë me uniformë në shkelje flagrante të ligjeve mbjellin terror në mjediset universitare! Larg duart nga studentët që i mashtruan dhe universitetet e tyre!”, shkruan Berisha.
