Presidenti Ilir Meta shkëmbeu një batutë me gazetarët pas takimit me ish-kryeministrin Sali Berisha në presidencë. “Sipas traditës së malesorëve, e prita vetë mikun dhe e përcolla deri tek dera” ishte batuta e Metës pasi e përcolli vetë ish-kryeministrin demokrat.
Ky takim mes Metës dhe Berishës kishte në fokus të dikutimit krizën politike në vend, dhe vinte pas një sërë takimesh të tjera.
Ishte Presidenti Meta që ftoi në takim si fillim krerët e opozitës së bashkuar jashtëparlamentare, ish-presidentët e vendit, Këshillin e Ambasadorëve Shqiptar dhe përfaqësues të shoqërisë civile, ndërsa theksonte në ftesë se vendi ndodhet në një situatë dramatike.
