Kreu i grupit parlamentar të PS, Taulant Balla ka sfiduar Presidentin Ilir Meta, pas komenteve të kreu të shtetit, se mund të firmosë shpërndarjen e Kuvendit.
Sipas Ballës, Meta sheh ëndrra me sy hapur. “Presidenti i Republikës sheh ëndrra me sy hapur, kur flet gjoja me dekrete për të shpërndarë parlamentin. Mos harrojmë të vetmen lidhje që ka Presidenti me Kuvendin, është vetëm ajo e thërritjes së seancës së parë të parlamentit”, u shpreh Balla në një deklaratë nga Kuvendi.
Në një emision televiziv dy ditë më parë, Meta deklaroi se “ky parlament është shpërndarë moralisht”. Kreu i shtetit u pyet kur do ta shpërndaje parlamentin. “Parlamenti një ditë do shpërndahet, ky parlament kot sa rri”, u shpreh Meta. “Me dekret”, u pyet. “Ju e dini se me dekret të Presidentit shpërndahet parlamentit . Do kishte qenë mirë të kishte ndodhur që dje”, deklaroi Meta.
Për shpërndarjen e parlamentit foli edhe ish-kryeministrit Sali Berisha këtë të mërkurë, pas takimit me Metës. Berisha tha se parlamenti nuk është legjitim për sa kohë nuk i plotëson 140 deputetët siç parashikohet në Kushtetutë.
