Ekipi argjentinas, Gimnasia LP kanë konfirmuar që Diego Maradona nuk është më trajner i skuadrës.
Ai që ka bërë publik lajmin është presidenti i klubit argjentinas Gabriel Pellegrino, i cili ishte edhe motivi i dorëheqjes së Maradonës.
Ishte vetë Pellegrino ai që mori Maradonën në stolin e Gimanasia La Platas 3 muaj më parë, por vendimi i tij për të mos kandiduar në zgjedhjet e ardhshme për president të klubit kanë bërë që El Pibe D’Oro të zgjedhë largimin nga drejtimi i skuadrës.
”Nëse nuk qëndron presidenti do largohem”, ishte shprehur Maradona.
Maradona e drejtoi ekipin për 8 ndeshje, ku arriti të fitojë 3 dhe duke humbur 5.
