Në kuadër të krizës ligjore dhe asaj institucionale, kreu i shtetit, Ilir Meta po zhvillon një sërë takimesh në zyrën e tij.
Ditën e djeshme, u takua me krerët e opozitës jashtë parlamentare, më pas edhe me ish-presidentin Rexhep Mejdani.
Sot, ka programuar takim me tre ish-presidentat Alfred Moisiu, Bamir Topi dhe Bujar Nishani, gjithashtu dhe me ish-kryeministrin demokrat Sali Berisha.
Por takimet do të vijojnë dhe pasditen e kësaj të mërkure ku të ftuar do të jenë përfaqësues të organizatave të shoqërisë civile, të angazhuara me monitorimin e zbatimit të reformës në drejtësi.
Mes tyre do jenë edhe përfaqësuesit e Fondacionit për Shoqëri të Hapur, i njohur si fondacioni Soros.
