Këngëtarja e njohur Big Mama kaloi një periudhë të vështirë familjare pasi humbi babain e saj nga një sëmundje shumë e rëndë.
Pak ditë pas ndarjes nga jeta të të atit, Big Mama është nisur për arsye pune në Afrikë dhe meqë atje është ngrohtë e mot për plazh, ka përfituar për të marrë ca rreze dielli. Një ndjekëse e ka gjykuar veshjen dhe foton e saj, kurse Big Mama iu përgjgij duke treguar njëherësh amanetin e të atit.
“Sdua të të ofendoj e as të të përfshihem në jetën personale. Ama tani sa të ka vdekur babai dhe ti poston kështu fotosh sikur të mos kishte ndodhur gjë. E di që të vret normale se e ke baba, por nuk mund të postosh kështu fotosh, të paktën pritë 1 muaj”, i shkruan një komentuese. Këto fjalë duket se e kanë prekur këngëtaren, e cila i ka dhënë një përgjigje të gjatë.
“Po mendohem a met kthy përgjigje, por po harxhoj pak minuta prej kohës që e kam shumë të rëndësishme.
Para se të komentoni duhet të mendoni se unë këtë profesion kam dhe ty nuk mundet me t’u dhimb baba jem më shumë se mu. E dyta zijen qysh e mbaj e di vetëm unë, ty hiq mos të të hyjë në punë. E treta, baba jem e ka dashur artin dhe këtë e ka trashëguar tek unë. Amanet ma ka lanë që kur t’vdes ditën e tretë ki me dal me këndu në tv ki me kesh para publikut”, shkruan Big Mama.
