Ndërsa i bëri një analizë të detajuar garës për Kryeprokur dhe Gjykatës Kushtetuese, avokati Jordan Daci tha në A2 se do të ketë zhvillime të reja.
Sipas tij, Gjykata Kushtetuese nuk do të ngrihet, pasi do të futemi në një krizë të re, me vetë konstituimin e KED-it, thotë avokati.
Gara për Kryeprokuror
“Anketimi nuk është pjesë e vlerësimit dhe nuk mund të merrej nga KLP si një element për ta vlerësuar me më shumë pikë. Nuk gjykoj që në anketimin e saj kishte një bazë të shëndoshë mbi përkrahjen.
Nëse një kandidate për Kryeprokurore, por që është Kryeprokurore e Përkohshme, thotë se ka pasur presione nga politika dhe e ka penguar, praktikisht tregon se nuk je për atë vend, pasi ti ndikohesh lehtë. Kushdo që do të jetë në atë pozicion do të ketë presione. Por ne na duhen njerëz me guxim që kanë dëshirën të sakrifikojnë, deri edhe të rrezikojnë.
E gjithë loja bëhet për shkak të pasigurisë në Parlament nëse do të marrë votat e para apo jo. Nëse nuk siguron votat, automatikisht zgjidhet i pari. Në njëfarë mënyre, kjo shpjegon edhe djegien nga mazhoranca të zonjës Vorpsi, pikërisht për Gjykatën Kushtetuese. Pa dashur të përkrah njërin apo tjetrin, platforma e zotit Çela dhe elokuenca e tij bënin dallim dhe kjo është dukur edhe në vlerësimin e tij”.
Padia e Presidentit ndaj kreut të KED
“Sebepi i sherrit është Kuvendi. KED, fatkeqësisht, nuk duhet të ishte pjesë e kësaj përplasje. Këshilli nuk është organ emërtese. Së pari, pati një reagim emocional nga Dvorani nga akuzat që iu bënë. Për mua, duhet të ishte treguan krejtësisht neutral. Ai nuk duhej të përfshihej. Fakti që ka dy burime dhe veçanërisht ai nga Avokati i Popullit, i cili është totalisht jo në konflikt interesi, tregon për një seri problematikash të funksionimit të këtij institucioni. Sigurisht që e bëjnë akoma më të kompromentuar pozitën e KED dhe veçanërisht të kreut të saj. Unë nuk mendoj se ka pasur ndonjë skenar nga Avokati i Popullit. Ai tregonte një qëndrim që ishte treguar me kohë. Së pari, KED duhet të bënte një listë më vete për secilën vakancë dhe jo të bënte dy lista dhe njëkohësisht t’ia dërgonte njëherë presidentit dhe më pas Kuvendit.
Thënia që Presidenti i Republikës kërkon të kapë Gjykatën Kushtetuese është një budallallëk për një arsye shumë të thjeshtë, unë se ve në dyshim që çdokush do të dëshironte të kishte ndikim, përfshirë edhe Presidentin, por Presidenti ka zero ndikim pasi produktin e merr nga KED dhe ai zgjedh nga ato që i kanë sjell.
Kundërpërgjigja e Dvoranit ndaj Metës
“Ka rrudhje të kompetencave të Presidenti, pasi ai është parë gjithmonë si armiku i pushtetit ekzekutiv dhe ligjvënësit. Tashma janë kthyer në një pushtet të vetëm pasi kontrollohet nga ekzekutivi dhe legjislativi, që në fakt duhet të ishte e kundërta. Gjyqësori nuk funksionon dhe në këtë pikëpamje kemi vetëm një që vetë thotë vetë firmos e vulos. Në këtë pikëpamje, Presidenti pati një rrudhje. Por në raport me Gjykatën Kushtetuese kjo është një budallallëk ose një reagim emocional, pasi 3 anëtarët e Kushtetueses zgjidhen nga Presidenti me emërimin e tij, duke ia servirur KED. Të gjitha këto donin që t’i jepnin Kuvendit mundësi që të vidhte një anëtar nga ata të Presidentit.
Por çfarë pritet të ndodh me Kushtetuesen?
“Unë mendoj se do të ketë zhvillime të reja. Mazhoranca do të vazhdojë të imponohet me qëndrimin e saj. Mund të kemi tentativë për të vënë në lëvizje Komisionin e Venecias, por sërish nuk do të kishte asnjë lloj vlere. Nga ana tjetër, dekreti i Presidentit është me karakter individual, që do të thotë nëse do të kundërshtohet do të duhet të shkojë në Gjykatë Administrative dhe pas shumë vitesh në Kushtetuese. Tashmë mazhoranca duhet të gëlltisë atë që pështyu vetë. Unë mendoj se Gjykata Kushtetuese nuk mendoj se do të ngrihet për shkak se tashmë do të futemi në një krizë të re me vetë konstituimin e ri të KED-it. Padia ose jo e Dvoranit në KED do të ngrejë probleme të legjitimitetit. Në anën tjetër Gjykata e Lartë nuk ka më anëtarë. Fatkeqësisht shqiptarëve iu duhet të presin edhe disa muaj të tjerë”.
/A2News.com
