Jose Mourinho ka nisur aventurën e re te Tottenham duke kryer seancën e parë stërvitore pasditen e së mërkurës. Më poshtë keni pesë gjërat që janë vënë re gjatë ditës së parë të punës së portugezit në Enfield…
Kapiteni duhet të jetë në krah të trajnerit
Harry Kane është padyshim një nga lojtarët kyç të Tottenham, si në fushë, ashtu edhe në dhomat e zhveshjes. Nuk është surprizë që Mourinho kërkon ta ketë kapitenin aktual në krahun e tij. Në foton më sipër keni bisedën e parë mes tyre në fushën stërvitore.
Duke vëzhguar me vëmendje në çdo moment
Jose Mourinho është parë duke vëzhguar nga afër stërvitjen e lojtarëve të tij të rinj. Mou tha se kishte trashëguar një skuadër të cilën do ta kishte ëndërr çdo talent. Megjithatë, ai ka akoma shumë për të mësuar në ekipin e ri. Në seancën e parë ai ka qëndruar gjithmonë pranë lojtarëve duke parë me vëmendje ushtrimet.
Shumë plane
Mourinho ka dalë në fushat stërvitore me një bllok të madh shënimesh, dhe duket i armatosur me ide. Drejtuesit shpresojnë që trajneri i ri të sjellë një frymë të re në skuadër. Blloku dukej goxha i trashë.
Fjalë të urta për Dele
Kur Mourinho shkoi te Chelsea në vitin 2004, ai i tha Frank Lampard se ishte mesfushori më i mirë në botë. Mbase një gjë të ngjashme i ka thënë edhe Dele Alli-t, i cili nuk po kalon një periudhë të mirë.
Duke ndërtuar marrëdhënie të shëndetshme
Mourinho është parë duke u dhënë lojtarëve të tij një pushime të vogla të cilat janë shfrytëzuar për të pirë ujë dhe për t’u çlodhur. Megjithatë, ai ka qëndruar shumë pranë tyre edhe në këto momente duke shfrytëzuar rastin për të zhvilluar biseda të vogla me lojtarët e rinj.
