Perditesuar/ Rreth 1 orë e 30 minuta ka zgjatur takimi i Presidentit Meta me opozitën jashtëparlamentare. Priten deklarata zyrtare nga palët pas këtij takimi.
***
Kushtetuesja/ Nis takimi i Metës me krerët e partive opozitare (FOTO)
Dalin pamjet e takimit të kreut të shtetit Ilir Meta me kryetarin e opozitës Lulzim Basha dhe krerët e partive aleate. Presidenti është i shoqëruar nga këshilltarët e tij.
***
Kushtetuesja/ Aleatët e Bashës në Presidencë për takimin me Metën
Aleatët e PD-së kanë mbërritur të parët në Presidencë mëngjesin e sotëm. Kryetarja e LSI-së, Monika Kryemadhi nuk ka preferuar të shkojë vetë duke dërguar ish-kryetarin e grupit parlamentar, Petrin Vasilin. Gjithashtu shkallët e Presidencës i kanë ngjitur kreu i PAA, Agron Duka, Nard Ndoka, Vangjel Dule, Mesila Doda nga PDIU dhe Arjan Madhi nga PR-ja. I pranishëm ështe dhe kreui PD-së Lulzim Basha.
Takimi është thirrur nga Meta lidhur me ngërçin me Gjykatën Kushtetuese.
Para takimit të sotëm, mbrëmjen e djeshme Basha mësohet se ka zhvilluar një takim me aleatët.
Pas opozitës, Meta ka planifikuar edhe disa takime mes të tjerash me Këshillin e Ambasadorëve Shqiptarë, një organizatë e pavarur, jo fitimprurëse, themeluar së fundmi nga një grup ish- ambasadorësh, president i të cilit është Besnik Mustafaj, ish-ambasador i Shqipërisë në Francë dhe ministër i Jashtëm në qeverinë “Berisha”.
