Le Figaro, është një nga mediat më prestigjioze në Francë, ku në ndjekje të kombëtares së tyre, u shpreh se stadiumi “Air Albania”, dhe do dhe disa javë punë, që të jetë gati për aktivitetin normal.
“Inaugurimi i stadiumit të ri në Shqipëri me rastin e ndeshjes me skuadrën franceze, i dha hov disa skenave qesharake në Tiranë”, kështu nis shkrimi i medias franceze, ndërsa më tej nuk harron që të përmend dhe dushin me ujë që iu bë një pjese të spektatorëve, apo vërshëllimin e himnit francez, si një hakmarrje e vogël nga ana e shqiptarëve.
Shkrimi i plotë
“Një mbrëmje speciale në Tiranë mbrëmjen e së dielës para ndeshjes mes Shqipërisë dhe Francës. Një inaugurim origjinal i stadiumit Air Albania, impiantit fringo të ri në Tiranë.
Në një atmosferë të bukur të një nate të madhe me 22 mijë spektatorë të zhurmshëm, publiku shqiptar tregoi se ka kujtesë. Pas incidentit në ndeshjen e parë të shtatorit të kaluar në ‘Stade de France’, ku u ngatërrua himni nga dhomat e fonisë, spektatorët nuk ngurruan të vërshëllejnë Marsejezën. Pavarësisht se stadiumi vërshëllente, Blutë mbetën të përqendruar, ashtu si këngëtarja që udhëzoi fjalët.
Më herët në mbrëmje, disa nga audienca patën mundësinë që të bënin një dush të vogël, që nuk ishte planifikuar në program. Ujitja nisi përpara se lojtarët të dilnin në fushë.
Një goditje e vogël në natën e përurimit të një stadiumi, që do ketë nevojë për disa punë përfundimtare në javët e ardhshme.
Ende nuk janë vendosur tabelat njoftuese, duke i detyruar gazetarët dhe zyrtarët të kronometrojnë vetë”.
Inauguration du nouveau stade à Tirana, il reste encore quelques détails à régler. #ALBFRA #arrosage pic.twitter.com/7n8IQkC63s
— Baptiste Desprez (@Batdesprez) November 17, 2019
