Portugalia mposhti me rezultatin 0-2, Luksemburgun, duke prerë biletën për në Europianin e verës së ardhshme.
Skuadra portugeze kaloi në avantazh në minutën e 39-të, të ndeshjes me anë të Bruno Fernandez, pas një pasimi perfekt nga Bernardo Silva.
Ndeshjen “luzitanët” e siguruan vetëm në minutat e fundit, ku Cristiano Ronaldo pas një rrëmuje në zonë me portën e boshatisur, shtyu topin drejt rrjetës dhe fiksoi rezultatin 0-2.
Ndërsa në ndeshjen tjetër, të po këtij grupi, Serbia po fitonte me rezultatin 2-1 ndaj Ukrainës, por në minutën e fundit shtesë, skuadra e drejtuar nga Shevchenko barazoi rezultatin.
Nga ky grup dalin të kualifikuara, Ukraina në vendin e parë dhe Portugalia në vendin e dytë, ndërsa Serbia eliminohet dhe nuk do të marrë pjesë në Euro 2020.
