Dhjetorin e kaluar studentët u ngritën në protesta masive, për shkak të problemeve të shumta që ka arsimi i lartë në Shqipëri, por ato u shuajtën me të ashtuquajturin “Pakti për universitetin” nga qeveria ku premtonte disa ndryshime.
Gjithsesi ai pakt sipas studentëve rezultoi i gjithi mashtrim dhe studentët kanë paralajmëruar sërish protesta masive duke rifilluar që nga 4 dhjetori, ku një ndër kërkesat kryesore është anulimi i ligjit për Arsimin e Lartë.
Së fundmi, Lëvizja për Universitetin ka organizuar dhe disa takime në fakultetet e Tiranës për të diskutuar rreth mënyrës së organizimit të këtyre protestave. Gjithashtu kanë zhvilluar dhe një anketim në katër prej universiteteve të Tiranës, përkatësisht në Universitetin e Tiranës, Politeknik, të Mjekësisë dhe të Bujqësorit.
Nga ky anketim rezulton se:
- 68.5% të studentëve e shohin Ligjin për Arsimin e Lartë si burim të problemeve.
- 58.2% të studentëve mendojnë se nuk është plotësuar asnjë kërkesë nga ana e qeverisë.
- 90.3% të studentëve mendojnë se duhet të rinisin protestat studentore.
