Në disa raste nuk tolerohen fitoret me vuajtje dhe shkarkohesh për këtë gjë, por ta humbësh postin për shkak se ekipi fiton 27-0 është e padëgjuar.
Kjo ngjarje i ka ndodhur një trajneri Italian të ekipeve të fëmijëve të Invictasauro. President ii klubit nga Grosseto, Paolo Brogello, nuk ia ka falur faktin që ai fitoi 27-0 ndaj bashkëmoshatarëve të Marinës.
“Mësuam me habi rezultatin e ndeshjes. Vlerat e futbollit të fëmijëve nuk kanë të bëjnë aspak me atë që ka ndodhur sot. Kundërshtari duhet respektuar gjithmonë. Si President, i kërkoj falje klubit të Marinës dhe opinionit sportiv. Komunikoj se bordi drejtues ka vendosur me unanimitet shkarkimin e trajnerit Riccini. Trajnerët tanë duhet të kenë detyrën të stërvisin, por mbi të gjitha, të edukojnë djemtë e rinj. Sot, kjo gjë nuk ndodhi”, – lexohet në komunikatën e klubit.
