Avokati Altin Goxhaj, i cili prej disa ditësh ndodhej i shtruar në QSUT, pavioni i infektivit, për shkak të një virusi apo helmimi, ka njoftuar përmes rrjeteve sociale se do të largohet për disa ditë jashtë vendit për një diagnostikim më të saktë.
Mëngjesin e sotëm, Goxhaj ka njoftuar se gjendja e tij shëndetësore është përmirësuar, parametrat jetësor i ka në gjendje normale, ndërsa premton se tani fillon lufta e vërtetë me Establishmentin Për Shqipërinë.
“Sot është mëngjesi i parë që i kam të gjithë parametrat në rregull që nga ushqyerja e deri te nxjerrja jashtë por ende s’kemi gjetur diagnozën e këtij helmimi. Temperatura është stabilizuar dhe s’ka më 40 gradë. Dhimbjet dhe lodhja kanë ikur.
Ndaj përveç se të mbaroj serumet do iki jashtë për disa ditë për të bërë diagnostikimin e plotë. Në këmbë më keni që sot. Ndaj ju falënderoj për super inkurajimin dhe ju premtoj që tani fillon lufta e vërtetë me Establishmentin Për Shqipërinë! Ju dua shumë shumë shumë.
Tani pas 2 javësh jam duke pirë për herë të të parë, kafen e mëngjesit poshtë pavionit të Infektivit”, shkruan Goxhaj.
