Kryetari i opozitës Lulzim Basha ka paralajmëruar nisjen e protestave kombëtare. Gjatë një takimi me fermerë në Devoll, Basha tha se do ngrihemi përsëri në protesta derisa e drejta dhe demokracia të triumfojë, vendi të shkojë në zgjedhje dhe qytetarët të vendosin.
“Mos më thoni kryeministër i ardhshëm, kam ardhur si kryetar i opozitës të bashkëbisedoj me ju. Bëhem apo jo kryeministër e keni ju në dorë, e ka në dorë vota e qytetarëve. Unë kam ardhur t’iu jap vizionin tim, programin tim, në fund fare vendosni ju.
Prandaj iu thashë në fillim të fjalës sime, kemi një beteje të madhe përpara, ku ai do bëjë gjithçka t’ua vjedhje e t’ua blejë votën, por për atë problem kemi folur e do flasim përsëri.
Për atë problem jemi ngritur në protesta e do ngrihemi përsëri në protesta derisa e drejta dhe demokracia të triumfojë, vendi të shkojë në zgjedhje dhe qytetarët të vendosin”, deklaroi Basha gjatë bashkëbisedimit me një fermer.
Opozita ka zhvilluar disa protesta kombëtare më herët gjatë këtij viti, duke kërkuar largimin e kryeministrit Edi Rama nga posti i kryeministrit dhe një qeveri teknike për të garantuar zgjedhje të lira e të ndershme.
Lexo edhe: “Vegla e Edi Ramës”, Basha: Ardian Dvorani simboli i korrupsionit dhe kapjes së shtetit
Lexo edhe: Basha me fermerët në Devoll: Rama hyri në histori për korrupsion, me zgjedhje dalim nga kriza
