Ish-Kryeministri Sali Berisha ka bërë një denoncim të fortë në rrjetet sociale, ndërsa shkruan se të ftuar specialë në inaugurimin e stadiumit “Air Albania Stadium”, janë Olsi Rama dhe Ermal Hoxha.
Madje Berisha i cilëson si mafiozët famozë të Uzinës së Xibrakës.
Në postimin e tij, Berisha vendos në pasaportat kolumbiane emrat e Olsi Ramës, vëllait të Kryeministrit Edi Rama, dhe Ermal Hoxhës, nipit të diktatorit Enver Hoxha, i dënuar pas operacionit “Xibraka” ku u zbulua laboratori i drograve të forta.
Ish-kryeministri thekson se në ceremoninë e inaugurimit do jenë kolumbianët e arrestuar në kuadër të operacionit ‘Xibraka’, Walther Moreno dhe Cezar Avila.
“Të ftuar nderi me rastin e inaugurimit të stadiumit Vellezerit Xibraka, 75 milionë euro janë: Kumbarët famoz të Uzinës së Xibrakës; Walther Moreno, Adolfo Avila. Shiritin do ta presin Uells (Olsi) Xibraka dhe Walther Moreno”, shkruan Berisha në rrjet.
Ish-Kryeministri ka akuzuar edhe më parë Olsi Ramën si të përfshirë në laboratorin e drogës në Xibrakë.
