Dhjetra punonjës së policisë janë përqëndruar në zonën e Unazës së Re, prej orëve të para të mëngjesit të sotëm.
Policia ka bërë kordon përgjatë rrugës, që tek ish-sheshi “Shqiponja”, duke bllokuar rrugën e Unazës.
Ndoshta përqëndrimi i trupave policore në këtë zonë ka lidhje me aksionin që pritet të nisë nga Inspektorati Kombëtar i Mjedisit dhe Territorit (IKMT), për shembjen e ndërtimeve të tjera në listen e atyre që jane planifikuar të shemben në vijim të projektit për Unazën.
Në aksionin e fundit të IKMT u shembën 33 ndërtime, ndërsa policia terrorizoi zonën, duke kryer ndalime të dhunshme të banorëve, hedhur gaz toksik dhe përdorur dhunën.
Si rezultat 12 persona u plagosën, mes të cilëve 5 policë.
Mes të plagosurve kishte edhe 3 të moshuar njëri prej të cilëve 80 vjeç.
