Presidenti Ilir Meta do të ketë një konferencë të jashtëzakonshme për mediat. Presidenti pritet të ketë komunikimin e tij rreth orës 14:00, njofton Zëdhënësi i Metës, Tedi Blushi.
Më parë Meta paralajmëroi se po afron ora kur populli dhe Presidenti do të mbrojnë Kushtetutën.
Gjithashtu Meta tha se “duan të gjithë të kapin sistemin e drejtësisë. Parlamenti shpërndahet me një dekret, qeveria rrëzohet me një mocion mosbesimi, ndërsa Presidenti shkarkohet nga Gjykata Kushtetuese”, tha Meta, duke sqaruar se është shumë i qartë në deklarimet e tij.
Ai shtoi se do të jetë detyrë e popullit dhe e Presidentit që t’i tregojë vendin kësaj bande uzurpatore dhe shërbëtorëve të tyre.
