Elisa Spiropali, Ministrja e Shtetit për Marrëdhëniet me Parlamentin është duke jetuar javët e fundit të pritjes së saj të ëmbël. Ajo do të sjellë në jetë në pak javë djalin e saj, që do të jetë fëmija i dytë për politikanen. Spiropali kohë më parë në një intervistë është shprehur se shtatzënia po shkonte mirë dhe nuk e konsideronte pengesë për punën, por duket se energjia i është shtuar.
Spiropali nuk ka hequr dorë nga angazhimet profesionale e personale pasi është fotografuar në Panairin e Librit që po mbahet këto ditë në Tiranë. Ka qenë gazetari Andi Bejtja ai që ka publikuar një foto me Elisa Spiropalin në stendën ku gjendet libri i tij me poezi dhe siç shihet edhe nga fotoja dallohet qartë edhe barku i rrumbullakosur i politikanes.
Elisa Spiropali është nënë e një vajze 4 vjeçare të quajtur Nalta dhe 2020-ta do ta gjej ministren me djalin në krah pasi pritet që në fund të muajit janar fëmija të vijë në jetë.
