Nënkryetari i KQZ-së Denar Biba, ka reaguar për betimin që Arta Vorpsi ka bërë tek noterja. Biba shprehet i habitur nga veprimi i Vorpsit dhe thotë se është një shfaqje e njëanshme e vullnetit të saj.
Duke e quajtur Vorpsin një profesioniste serioze, Biba shprehet se ajo është gjetur në qendër të një situate që vetem serioze nuk mund të quhet.
“Ajo e di shumë më mirë se shume të tjerë, se si është procedura. Kushtetuta urdhëron për betimin e anëtarit të Gjykatës Kushtetuese te Presidenti.
Me siguri, ky veprim i Artës, i vetëdijshëm, është thjesht shfaqje e njëanshme e vullnetit të saj për të treguar se merr përsipër këtë angazhim të jashtëzakonshëm, që Kuvendi dhe koha ia ngarkoi.
Nuk kemi të bejme me betimin si anëtare e ardhshme e GjK, por besoj me një deklarate që tregon përgjegjësinë e Arta Vorpsit në këto rrethana.
Sepse Arta që njoh unë, përpara së gjithash, e ka marrëdhënien me emrin e saj të mirë”, shkruan Biba.
Reagimi i tij vjen në një moment kur Arta Vorpsi është betuar para një noteri, në një kohë që KED dhe deputetët e Rilindjes në Kuvend e kanë shpallur si anëtare të Kushtetueses, me argumentin që Presidentit i mbaroi afati 30 ditor dhe ajo renditej e para në listën e Këshillit të Emërimeve në Drejtësi.
